Пададзеная ў лютым 2018 года заяўка для праекта CRIMHUM была ўхвалена для фінансавання. Зараз мы праводзім падрыхтоўчыя мерапрыемствы (рэгістрацыя праекта з нацыянальнымі органамі, дагаворныя пытанні з Еўрапейскай камісіяй і г.д.). Праект павінен быць запушчаны 15 студзеня 2019 года.

Мы ўжо запусцілі старонку нашага праекта ў Фэйсбуку, каб інфармаваць Вас неадкладна пра наш праект і яго дасягненні.

Спіс адобраных у 2018 г. праектах Эразмус+...

Прафесар Gabriele Schmölzer (Грац), каардынатар CRIMHUM  праекта і дацэнт Вадзім Самарын (Мінск), менеджар па якасці праекта CRIMHUM наведалі 28-29 студзеня 2019 г. сустрэчу грантаатрымальнікаў праграмы Эразмус+ Нарошчванне патэнцыялу ў галіне вышэйшай адукацыі ў Брусэлі, Бельгія.

Каманда CRIMHUM пашырыла веданне патрабаванняў да кіравання праектамі Эразмус+ “Нарошчванне патэнцыялу ў галіне вышэйшай адукацыі” для падрыхтоўкі да рэалізацыі праекта “Мадэрнізацыя магістарскіх праграм для будучых суддзяў, пракурораў, следчых з улікам еўрапейскіх стандартаў у галіне правоў чалавека”.

Падчас правядзення спецыяльных семінараў былі атрыманы веды ў галіне маніторынгу праектаў, веды пра асаблівасці фінансавага кіравання Эразмус+ КН2.

Адбылася сустрэча з службовай асобай Выканаўчага агенцтва, адказнай за рэгіён Усходняй Еўропы, Франц Дантын (France Dantin), а таксама прадстаўніком Нацыянальнага Эразмус+ Офіса ва Украіне Святланай Шыцікавай. Падчас гутаркі пытанні, узнятыя ў ходзе падрыхтоўкі да рэалізацыі праекта, атрымалі свае адказы.

Больш здымкаў...

Грацкі ўніверсітэт Карла і Франца гасцінна прымаў стартавую сустрэчу і пачатковую канферэнцыю праекта CRIMHUM з 28 красавіка па 2 мая 2019 года.

У гэтым мерапрыемстве прынялі ўдзел прадстаўнікі арганізацый-партнёраў: універсітэта Граца (каардынатар праекта / Аўстрыя), універсітэта Патсдама (Германія), універсітэта Экс-Марсэль (Францыя), юрыдычнага факультэта ўніверсітэта Рыека (Харватыя), Віленскага ўніверсітэта (Літва), Беларускага дзяржаўнага ўніверсітэта (Мінск, Беларусь), Гродзенскага дзяржаўнага ўніверсітэта імя Янкі Купалы (Беларусь), Львоўскага нацыянальнага ўніверсітэта імя Івана Франка (Украіна), Нацыянальнага юрыдычнага ўніверсітэта ім. Яраслава Мудрага (Харкаў, Украіна), Нацыянальнага ўніверсітэта “Адэская юрыдычная акадэмія” (Украіна), Беларускага рэспубліканскага саюза юрыстаў (грамадскае аб’яднанне, Беларусь).

Мерапрыемствы праходзілі пад старшынствам каардынатара праекта прафесара Габрыелы Шмёльцар (Prof. Gabriele Schmölzer) і менеджараў праекта прафесара Томаса Крюсманна і дацэнта Вадзіма Самарына.

Падчас стартавай сустрэчы праект і яго ўдзельнікаў віталі прарэктар па вучэбнай і выкладчыцкай дзейнасці, прафесар д-р Марцін Поляшек (Prof. Dr. Martin Polaschek) і дэкан юрыдычнага факультэта, прафесар д-р Ёханэс Цольнер (Prof. Dr. Johannes Zollner). Удзельнікаў віталі Аляксандр Шчэрба, Амбасадар Украіны ў Аўстрыі, маг. Андрэй Ярошкін ад імя Алены Купчыной, Амбасадара Рэспублікі Беларусь у Аўстрыі, прафесар д-р Ёзэф Смоль (Abg.z.NR. Prof. Dr. Josef Smolle) ад імя губернатара зямлі Штырыя Германа Шютценхёфера (Hermann Schützenhöfer).

Каардынатарамі праекта былі прадстаўлены асноўная ідэя і мэты, формы ўзаемадзеяння арганізацый-партнёраў праекта. Менеджар па якасці Вадзім Самарын выступіў з падрабязным дакладам аб асноўных этапах і змесце рэалізацыі праекта. Затым менеджар праекта Томас Крюсманн пазнаёміў удзельнікаў з універсітэтамі-партнёрамі з краін Еўрапейскага Саюза. А прадстаўнікі ўніверсітэтаў Беларусі і Украіны са сваімі вышэйшымі навучальнымі ўстановамі.

Увечары ўдзельнікі мерапрыемства наведалі прыём ад імя мэра ў Ратушы, дзе яны таксама заслухалі інфармацыю аб Грацы, як горадзе правоў чалавека (Савет Граца па правах чалавека, маг. Даніэла Грабовач (Mag. Daniela Grabovac)).

Першая частка наступнага дня ахоплівала шырокі спектр пытанняў, уключаючы абмеркаванне зместу і фінансавай часткі праекта, яго метадалогіі і прынцыпаў; былі адобраны менеджары праекта і лагатып, створаны рабочыя групы, а таксама абмеркаваны запланаваныя мерапрыемствы на 2019 г. Удзельнікі абмеркавалі падрыхтаваныя структуры нацыянальных канцэпцый новай магістарскай праграмы і пытанні да апытання, а таксама метадалогію правядзення апошняга.

Нацыянальнымі камандамі быў прадстаўлены для абмеркавання папярэдні змест падручнікаў, якія будуць падрыхтаваныя ў рамках праекта. Апошняя частка мерапрыемства была прысвечана абмеркаванню кніг і абсталявання, якія будуць набыты ў рамках праекта.

Карыснай часткай канферэнцыі былі азнаямленчыя візіты:

візіт да кіраўніцтва Вышэйшага зямельнага суда і Дзяржаўнай пракуратуры Штырыі (удзельнікам праекта былі раскрыты пытанні, прысвечаныя сістэме падрыхтоўкі судзейскіх і пракурорскіх работнікаў у Аўстрыі),

наведванне музея крыміналогіі юрыдычнага факультэта Грацскага ўніверсітэта, дзе экскурсію правёў яго дырэктар дацэнт Крысціян Ваххисль (Priv.-Doz. MMag. DDr. Christian Bachhiesl).

Прымаючы ўніверсітэт арганізаваў для ўдзельнікаў мерапрыемства экскурсію па горадзе з уздымам на гару Шлосберг.

Удзельнікі з Беларусі і Украіны таксама скарысталіся магчымасцю і наведалі палац Эггенберг і найбліжэйшы парк.

Па выніках рэалізацыі рабочай праграмы мерапрыемства былі абмеркаваны ўсе запланаваныя пытанні і закладзена трывалая аснова для далейшай плённай і безбар’ернага працы з каардынатарамі праекту і арганізацыямі-партнёрамі.

Можна азнаёміцца са справаздачамі на сайце юрыдычнага факультэта Беларускага дзяржаўнага ўніверсітэта і юрыдычнага факультэта Гродзенскага дзяржаўнага ўніверсітэта (па-руску).

Больш здымкаў у Галерэі і на Фэйсбуку...

27 жніўня 2019 году Камісія па пытаннях міжнароднага тэхнічнага супрацоўніцтва пры Савеце Міністраў Рэспублікі Беларусь рэкамендавала ўхваліць у якасці міжнароднай тэхнічнай дапамогі праект "Мадэрнізацыя магістарскіх праграм для будучых суддзяў, пракурораў, следчых з улікам еўрапейскіх стандартаў у галіне правоў чалавека" (КРЫМГУМ).

Дадзенае рашэнне было падтрымана 19 лістапада 2019 года Саветам Міністраў Рэспублікі Беларусь (пастанова № 774, зарэгістравана ў Нацыянальным рэестры нарматыўных прававых актаў 19 лістапада 2019 года за № 5/47365; апублікавана 20 лістапада 2019 года).

З 19 лістапада 2019 года дзейнасць, якая ажыццяўляецца ў рамках праекта на тэрыторыі Беларусі, падпадае пад заканадаўства аб міжнароднай тэхнічнай дапамозе. 

21 лістапада 2019 г. у рамках візіту спадара Ральфа Радэрса, кіраўніка аддзела Эразмус+: Вышэйшая адукацыя - Міжнароднае ўмацаванне патэнцыялу Выканаўчага агенцтва па адукацыі, аўдыявізуальнай культуры і культуры (EACEA), на Беларусь адбыўся маніторынг праекта "Мадэрнізацыя магістарскіх праграм для будучых суддзяў, пракурораў, следчых з улікам еўрапейскіх стандартаў у галіне правоў чалавека" (КРЫМГУМ) Нацыянальным Эразмус+ Офісам. У мерапрыемстве ўзялі ўдзел менеджэры праекта Алег Мароз і Вадзім Самарын, а таксама прадстаўнікі праектных каманд з Беларускага дзяржаўнага ўніверсітэта (старшы выкладчык кафедры крымінальнага права, магістр юрыдычных навук Кірыл Захілько) і Гродзенскага дзяржаўнага ўніверсітэта ім. Янкі Купалы (дацэнт кафедры крымінальнага права, крымінальнага працэсу і крыміналістыкі, кандыдат юрыдычных навук Уладзімір Соркін).

Пасля прывітання кіраўніка Нацыянальнага Эразмус+ Офіса Алены Белановіч сам праект і ступень яго развіцця прадставіў менеджэр па якасці праекта Вадзім Самарын.

Прэзентацыя скончылася дыскусіяй па пытаннях фінансавага кіравання Эразмус+ праектамі. Спадар Ральф Радэрс пацікавіўся пытаннямі па мэтазгоднасці рэалізацыі праекта.

Кірыл Захілько прадставіў вынікі апытання выпускнікоў, пакладзеныя ў аснову Канцэпцыі магістарскай праграмы ў сферы крымінальнай юстыцыі (версія - Беларусь).

У цэлым развіццё праекта было ацэнена станоўча.

Больш фотаздымкаў у Галерэі і на Facebook...